சிதம்பரம்: உலகப் புகழ்பெற்ற சிதம்பரம் நடராஜர் கோயிலில் உள்ள சிவகங்கை தீர்த்தக் குளம் 15 ஆண்டுகளுக்குப் பிறகு தூர்வாரி சீரமைக்கும் பணி தொடங்கியுள்ளது.
சிதம்பரம் நடராஜர் கோயில் வளாகத்தில் அமைந்துள்ள சிவகங்கை தீர்த்தம், பக்தர்களின் முக்கியமான புனிதத் தீர்த்தமாகக் கருதப்படுகிறது. இந்த சீரமைப்புப் பணியை கோயில் நிர்வாகம் மேற்கொண்டு வருகிறது.
பஞ்சபூதத் தலங்களில் ஆகாயத் தலமாக விளங்கும் சிதம்பரம் நடராஜர் கோயில், அப்பர், சுந்தரர், திருஞானசம்பந்தர் மற்றும் மாணிக்கவாசகர் உள்ளிட்ட சைவ சமயப் பெரியோர்களால் பாடிப் போற்றப்பட்ட சிறப்புமிக்க தலமாகும்.
சிவகங்கை தீர்த்தத்துடன் கோயில் வளாகத்தில் உள்ள கிணறும் ஆன்மிக முக்கியத்துவம் வாய்ந்ததாகக் கருதப்படுகிறது. சிவகங்கை தீர்த்தத்தில் நீராடிய மன்னரின் நோய் நீங்கி, உடல் பொன்னிறம் பெற்றதாக தல வரலாற்றில் கூறப்படுகிறது.
நீண்ட இடைவெளிக்குப் பிறகு சிவகங்கை தீர்த்தக் குளம் சீரமைக்கப்படுவதால், கோயிலுக்கு வரும் பக்தர்கள் மத்தியில் இந்தப் பணி கவனம் பெற்றுள்ளது.
