கொல்கத்தா: மேற்கு வங்காள மாநிலம் கொல்கத்தாவில் உள்ள துர்கா பூஜை பந்தலில் ஏற்பட்ட கடும் கூட்ட நெரிசலில் சிக்கி 19 பேர் உ**ழந்ததாக முதற்கட்ட தகவல் வெளியாகியுள்ளது. இந்தச் சம்பவத்தில் பலர் காயமடைந்தனர்.
திடீர் கூட்ட நெரிசல்
வடக்கு கொல்கத்தாவில் உள்ள சோர்பாகன் சர்பஜனின் துர்கா பூஜை பந்தலில் சனிக்கிழமை (அக்டோபர் 17) ஏராளமானோர் திரண்டிருந்தனர். அப்போது பெய்த மழையால் பந்தலின் நுழைவு மற்றும் வெளியேறும் பகுதிகளில் கூட்டம் அதிகரித்த நிலையில், கடும் நெரிசல் ஏற்பட்டதாக தகவல்கள் தெரிவிக்கின்றன.
இந்தச் சம்பவத்தில் காயமடைந்தவர்கள் மீட்கப்பட்டு கொல்கத்தா மருத்துவக் கல்லூரி மருத்துவமனைக்குக் கொண்டு செல்லப்பட்டனர். அவர்களுக்கு அங்கு சிகிச்சை அளிக்கப்பட்டது. சம்பவத்தைத் தொடர்ந்து பந்தலுக்குள் பொதுமக்கள் செல்ல போலீசார் தடை விதித்தனர்.
முதல்-மந்திரி நேரில் ஆய்வு
கூட்ட நெரிசல் சம்பவத்தைத் தொடர்ந்து மேற்கு வங்காள முதல்-மந்திரி சுவேந்து அதிகாரி மருத்துவமனைக்குச் சென்று காயமடைந்தவர்களின் நிலை குறித்து ஆய்வு செய்தார். மாநில தலைமைச் செயலாளர் மனோஜ் அகர்வாலும் நிலைமையை ஆய்வு செய்தார்.
கூட்ட நெரிசலுக்கான காரணம் குறித்து உரிய விசாரணை நடத்தப்படும் என்றும், சம்பவம் தொடர்பாக பந்தல் நிர்வாகிகள் மற்றும் தனியார் பாதுகாப்புப் பணியாளர்கள் விசாரணைக்காகத் தடுத்து வைக்கப்பட்டுள்ளதாகவும் முதல்-மந்திரி தெரிவித்தார்.
தலைவர்கள் இரங்கல்
கொல்கத்தாவில் ஏற்பட்ட கூட்ட நெரிசல் சம்பவத்துக்கு பிரதமர் நரேந்திர மோடி இரங்கல் தெரிவித்துள்ளார். உ**ழந்தவர்களின் குடும்பங்களுக்கு ஆறுதல் தெரிவித்த அவர், காயமடைந்தவர்கள் விரைவில் குணமடைய வேண்டுமென தெரிவித்துள்ளார்.
மத்திய உள்துறை அமைச்சர் அமித் ஷாவும் சம்பவம் குறித்து மேற்கு வங்காள முதல்-மந்திரியிடம் பேசியதுடன், உ**ழந்தவர்களின் குடும்பங்களுக்கு இரங்கல் தெரிவித்துள்ளார். முன்னாள் முதல்-மந்திரி மம்தா பானர்ஜியும் இந்தச் சம்பவம் குறித்து அதிர்ச்சியும் வருத்தமும் தெரிவித்துள்ளார்.
துர்கா பூஜை விழாவின்போது ஏற்பட்ட இந்தத் துயரச் சம்பவம் கொல்கத்தாவில் பெரும் சோகத்தை ஏற்படுத்தியுள்ளது.
