புதுடெல்லி: மத்திய அரசின் பல்வேறு துறைகள் மற்றும் நிறுவனங்களில் காலியாக உள்ள ஜூனியர் இன்ஜினியர் பணியிடங்களை நிரப்ப மத்திய பணியாளர் தேர்வு ஆணையம் (SSC) அறிவிப்பு வெளியிட்டுள்ளது. மொத்தம் 1,748 பணியிடங்கள் அறிவிக்கப்பட்டுள்ள நிலையில், தகுதியும் விருப்பமும் உள்ளவர்கள் செப்டம்பர் 22, 2026 வரை ஆன்லைன் மூலம் விண்ணப்பிக்கலாம்.
1,748 பணியிடங்கள்
மத்திய அரசின் பல்வேறு துறைகள் மற்றும் நிறுவனங்களில் ஜூனியர் இன்ஜினியர் பணியிடங்கள் நிரப்பப்பட உள்ளன. இதில் சிவில், மெக்கானிக்கல், எலக்ட்ரிக்கல் மற்றும் Quantity Surveying & Contracts உள்ளிட்ட பொறியியல் பிரிவுகளில் காலியிடங்கள் உள்ளன.
மத்திய பொதுப்பணித் துறை, மத்திய நீர் ஆணையம், எல்லை சாலைகள் அமைப்பு உள்ளிட்ட பல்வேறு மத்திய அரசு நிறுவனங்களுக்கான பணியிடங்கள் இந்த ஆட்சேர்ப்பு அறிவிப்பின் கீழ் இடம்பெற்றுள்ளன.
கல்வித் தகுதி
சம்பந்தப்பட்ட சிவில், மெக்கானிக்கல் அல்லது எலக்ட்ரிக்கல் பொறியியல் பிரிவுகளில் டிகிரி அல்லது டிப்ளமோ முடித்தவர்கள் தகுதி விதிமுறைகளுக்கு உட்பட்டு விண்ணப்பிக்கலாம்.
ஒவ்வொரு துறை மற்றும் பணியிடத்துக்கும் தனித்தனியான கல்வித் தகுதி மற்றும் பிற நிபந்தனைகள் இருக்கக்கூடும் என்பதால், விண்ணப்பதாரர்கள் அதிகாரப்பூர்வ அறிவிப்பை கவனமாகப் படித்து விண்ணப்பிக்க வேண்டும்.
வயது வரம்பு
இந்தப் பணியிடங்களுக்கு பொதுவாக அதிகபட்ச வயது வரம்பு 30 ஆண்டுகளாக நிர்ணயிக்கப்பட்டுள்ளது.
- எஸ்.சி. / எஸ்.டி. பிரிவினருக்கு – 5 ஆண்டுகள் வயது தளர்வு
- ஓ.பி.சி. பிரிவினருக்கு – 3 ஆண்டுகள் வயது தளர்வு
- மாற்றுத்திறனாளிகளுக்கு – அரசு விதிகளின்படி வயது தளர்வு
சம்பளம் எவ்வளவு?
தேர்வு செய்யப்படும் ஜூனியர் இன்ஜினியர்களுக்கு ரூ.35,400 முதல் ரூ.1,12,400 வரை ஊதிய அளவு நிர்ணயிக்கப்பட்டுள்ளதாக தெரிவிக்கப்பட்டுள்ளது.
தேர்வு முறை
இந்தப் பணியிடங்களுக்கு கணினி வழித் தேர்வு மூலம் தகுதியானவர்கள் தேர்வு செய்யப்படுவார்கள். தேர்வு தொடர்பான விரிவான பாடத்திட்டம், தேர்வு நடைமுறை மற்றும் பிற விவரங்களை அதிகாரப்பூர்வ அறிவிப்பில் விண்ணப்பதாரர்கள் தெரிந்துகொள்ளலாம்.
விண்ணப்பக் கட்டணம்
விண்ணப்பக் கட்டணமாக ரூ.100 நிர்ணயிக்கப்பட்டுள்ளது. எஸ்.சி., எஸ்.டி. பிரிவினர் மற்றும் பெண்களுக்கு விண்ணப்பக் கட்டண விலக்கு வழங்கப்பட்டுள்ளது.
விண்ணப்பிக்கும் முறை
தகுதியும் விருப்பமும் உள்ள விண்ணப்பதாரர்கள் ஆன்லைனின் மூலம்விண்ணப்பிக்க வேண்டும்.
முதலில் SSC இணையதளத்தில் தேவையான பதிவு நடைமுறைகளை நிறைவு செய்து, பின்னர் Junior Engineer Examination 2026 தொடர்பான விண்ணப்பப் பக்கத்திற்குச் சென்று, கேட்கப்பட்டுள்ள தகவல்களை சரியாக பதிவு செய்ய வேண்டும்.
தேவையான விவரங்கள் மற்றும் ஆவணங்களை பதிவேற்றிய பிறகு, பொருந்தும் விண்ணப்பக் கட்டணத்தை ஆன்லைனில் செலுத்தி விண்ணப்பத்தை சமர்ப்பிக்க வேண்டும். விண்ணப்பத்தை சமர்ப்பிப்பதற்கு முன் அனைத்து தகவல்களையும் சரிபார்த்துக் கொள்வது அவசியம்.
விண்ணப்பிக்க கடைசி தேதி
இந்தப் பணியிடங்களுக்கு ஆன்லைன் விண்ணப்பங்களை சமர்ப்பிக்க செப்டம்பர் 22, 2026 கடைசி நாளாகும். எனவே தகுதியான பொறியியல் பட்டதாரிகள் மற்றும் டிப்ளமோ முடித்தவர்கள் கடைசி நேரம் வரை காத்திருக்காமல் முன்கூட்டியே விண்ணப்பிக்க அறிவுறுத்தப்படுகிறது.
குறிப்பு: விண்ணப்பிக்கும் முன் வயது, கல்வித் தகுதி, பணியிடம் மற்றும் பிற தகுதி நிபந்தனைகளை அதிகாரப்பூர்வ SSC அறிவிப்பில் சரிபார்ப்பது அவசியம்.
விண்ணப்பிக்க: [SSC அதிகாரப்பூர்வ இணையதளம்:https://ssc.gov.in]