இரண்டு குழுக்களாகப் பிரிக்கப்பட்ட 12 அணிகள்
ஐசிசி நடத்தும் ஒருநாள் உலகக் கோப்பை கிரிக்கெட் தொடர் 2027ஆம் ஆண்டு தென் ஆப்பிரிக்கா, நமீபியா மற்றும் ஜிம்பாப்வே ஆகிய நாடுகளில் நடைபெற உள்ளது. அக்டோபர் 2ஆம் தேதி தொடங்கும் இந்தத் தொடருக்கான அட்டவணையை சர்வதேச கிரிக்கெட் கவுன்சில் வெளியிட்டுள்ளது.
மொத்தம் 12 அணிகள் பங்கேற்கும் இந்த உலகக் கோப்பைத் தொடர், குரூப் ஏ மற்றும் குரூப் பி என இரண்டு பிரிவுகளாகப் பிரிக்கப்பட்டுள்ளது.
குரூப் ஏவில் இந்தியா, பாகிஸ்தான்
குரூப் ஏ பிரிவில் இந்தியா, ஆஸ்திரேலியா, பாகிஸ்தான், ஆப்கானிஸ்தான், ஜிம்பாப்வே மற்றும் தகுதிச் சுற்றில் வெற்றி பெறும் அணி ஆகியவை இடம்பெற்றுள்ளன.
குரூப் பி பிரிவில் நியூசிலாந்து, தென் ஆப்பிரிக்கா, இலங்கை, இங்கிலாந்து, வங்கதேசம் மற்றும் தகுதிச் சுற்றில் வெற்றி பெறும் மற்றொரு அணி இடம்பெற்றுள்ளன.
அக்டோபர் 7ல் இந்தியாவின் முதல் போட்டி
உலகக் கோப்பை தொடரில் இந்திய அணி தனது முதல் போட்டியில் ஆஸ்திரேலியாவை அக்டோபர் 7ஆம் தேதி எதிர்கொள்கிறது. இதைத் தொடர்ந்து ரசிகர்கள் பெரிதும் எதிர்பார்க்கும் இந்தியா–பாகிஸ்தான் போட்டி அக்டோபர் 10ஆம் தேதி நடைபெறுகிறது.
நவம்பர் 21ல் இறுதிப்போட்டி
2027 ஒருநாள் உலகக் கோப்பையின் இறுதிப்போட்டி நவம்பர் 21ஆம் தேதி ஜோகன்னஸ்பர்க் நகரில் நடைபெறுகிறது. இதனால், உலகக் கோப்பை தொடர் தொடக்கம் முதலே கிரிக்கெட் ரசிகர்களிடையே எதிர்பார்ப்பை ஏற்படுத்தியுள்ளது.
